أربع بنات قتلى في المدينة الجامعية بحلب

**أدهم صبري**

تذكير بمساهمة فاتح الموضوع :

أربع بنات قتلى في المدينة الجامعية بحلب ... !!!

أربع بنات قتلى في المدينة الجامعية بحلب
ما بعرف إذا حدى عنده علم بالقصة يلي صارت بالمدينة الجامعية .
رح أحكيلكم عن هالحدث المأساوي يلي صار بالمدينة الجامعية بحلب ، ويلي
تم التكتم على أحداثه من قبل وسائل الإعلام ، ليش ؟؟؟؟ الله أعلم .

تبدء أحداث القصة ، في غرفة أحد الطلاب الشباب في المدينة الجامعية ،
وكعادته كل مساء يجتمع هو ورفاقه ، لتبدء السهرة ،
ويعني لا أخفي عليكم ، سهرات هالشباب تختلف نوعاً ما عن السهرات
الأعتيادية ، المهم وبنص السهرة والشباب عم يلعبو شدة ،
وهاد يلي عم يدخن ، وهاد يلي عم يفصص بزر ، وهاد يلي عم
يسمع المسجلة ،
وهاد يلي عم يحاكي حبيبته عالموبايل ،
وحوالي شي الساعة الثانية ليلاً ، ومن كلمة لكلمة ، بين الشباب يلي عم
يلعبو شدة ، وهاد يلي عم يقول أنت خسران ، والثاني بيقول لأ أنت
خسران ،
قام راح واحد من الشباب ، وأخذ ورق الشدة ، ورمى به على المنور تبع
البناء ، قام عصب واحد من الشباب وقام تخانق هو والشب يلي رمى
الورق، وعلقت خناقة طويلة عريضة ،
قام شعر الحرس الجامعي ، وأمن الجامعة بوجود مشكلة وعلى
الفور ، طلعو عالغرفة يلي عم تصير فيها الخناقة ، وطلبو الهويات الجامعية ،
وقعدو مشان يفهمو القصة وليش في خناقة ،
ومن سياق الحديث واحد من الشباب عم يقول للضابط : سيدي
الله وكيلك بسيطة ، الخناقة كلها كرمال لعبة شدة ،
قام قال الضابط ، وين الشدة ،
ال الشب رميتها عالمنور
الضابط عالمنور مو هيك ، مممممممممم هلق منشوف
بيقوم بيطلب الضابط من العناصر يلي معه أنه ينزلو عالمنور
ويتأكدو من القصة .
بينزلو العناصر عالمنور ، وأول ما بيوصلوعالمنور ، يقفوا
مذهولين من
هول المشهد ...... مشهد تقشعر منه الأبدان
جريمة لا تغتفر . أربع بنات قتلى

أربع بنات ، يبدو أنهم قتلو جراء السقوط من مكان عالي

أربع بنات

بنت الكبة
وبنت الديناري
وبنت البسطون
وبنت السبات

تعيشووو وتاكلووو غيرااااااااااااا هاهاهااااااااااااااااااااااااااااااااااااااااااا

اعذروني أصدقائي بس كان لازم نكسر روتين الجرائم

والدم و القتل و الإغتصاب

**Lea VeNnUs**

ههههههههههههههه انا مرقت عليي والله
قلت انا بحلب ولو معقول ما سمعت هيك قصة فورا
معلش انا رضيانة لانو جد جنيت لما قريت العنوان هههه
يسلموون ادهم

**أدهم صبري**

هلا بأحلى ليا
و سلامتك من الجنان صديقتي
وكونك بحلب خلينا نشوفك جارتنا

***رهف***

والله وأنا كمان ياليا وياأدهم
شفت العنوان عالشريط الاخباري ئلت
يالطيف شو هالصباح
هههههههههه
شو عم يصير بحلب؟
مشكور أدهم
بس جد مشت علي

________________________________________________________________________________________________

:: التوقيع ::

**أدهم صبري**

هلا ست رهف
نورتي عزيزتي
تعيشي و تاكلي غيرها

**hano**

يعني شو و كنت رح صدق بس لما شفت إنو القصة عن شبابو ما في بنات أبدا شكيت بس و الله مرقت علي تسلم إيدك

________________________________________________________________________________________________

:: التوقيع ::
الملاك الأسود

الرجال يبرعون في الكذب و النساء يبرعون في التمثيل[

**عليا**

والله انا اندمجت مع الفصة وما خطر ببالي ابدا تكون طرفة

________________________________________________________________________________________________

:: التوقيع ::

لو كان لديك تفاحة ولدي تفاحة مثلها وتبادلناهما فيما بيننا سيبقى لدى كل منا تفاحة واحدة.
لكن لو كان لديك فكرة ولدي فكرة وتبادلنا هذه الأفكار، فعندها كل منا سيكون لديه فكرتين.