أسئله متنوعه

***رهف*** · موضوع: أسئله متنوعه 10/3/2010, 3:48 am

مساء الخير ...وصباح الخير ...صبايا ...شباب

اليوم عندي أسئله متنوعه وحابي شوف وجهة نظركون
1-اذا كان الانسان متعفنا بالأصل في سلوكه فهل هناك تربيه قادره على شفائه من هذا السلوك؟
2-كفتيات ,هل تفضلن البوح بسركن لأمهاتكن ؟أم تفضلون البوح لأصدقائكن؟أم تكتمون أسراركن بداخلكن؟
3-حالة الملل التي نراها عند الصبايا؟ويقضون أوقاتهم في أعمال البيت
سواء كان الموضوع قسري ,من قبل الأهل ,أو من قرارة أنفسهم ؟
كيف يمكننا أن ننتشل هذه الفتاة من هذه الحفره؟
4-كلما قلت الرتبه ,قلت المسؤليه
مارأيك في هذه المقوله؟
هل نسعى للأفضل ؟أم نرضى بأي شيء ؟
5-الانسان خلقه الله بتجدد دائم ,
وقادر على العطاء لاخر يوم من عمره,
كيف نستطيع أن نفجر طاقات هذا الانسان؟
6-اختلاف العمر الموجود بين الوالدين وبين أبنائهم ,يخلق فجوة بينهم,
واختلاف بالاراء,بالنسبه للمشاوير, للباس,
كيف نكسر هذا الحاجز الموجود بين الوالدين وبين أبنائهم؟
كيف يخرجون من هذه القوقعه؟
7-البعض من الرجال يعتقدون أن النساء ليس عندهم المقدره على عمل الرجل بأي مجال ؟
مارأيكم ؟
هل هذا الاعتقاد صحيح ؟
8-الرجل المتقاعد عن العمل في سن الستين,الذي يشعر بالموت البطيء ,
ماذا تنصحه؟لينقذ نفسه من هذا الاحساس ؟
وكيف يستثمر أوقاته؟
9-التقاعس عند الموظفين ,وعند الشباب والصبايا,
ماهو سببه برأيكم؟
10-عندما تجلسون وحيدين بالليل,
كيف تتغلبون على الوحده؟
وهل حياتكم مليئة بالحيوية والنشاط؟
11-المطبخ ,الطعام والشراب,
هل له تأثير على نفسية الانسان؟
وهل يوجد رابط بينهم ؟
هل تستطيع العمل أو الكلام اذا كنت جائعا؟
وعندما تتناول طعاما تحبه حالتك النفسيه كيف تكون ؟
وعند تناولك طعاما لاتحبه؟
12-ماهية الدنيا بنظركم ,ماهي؟
13-مالفرق بين فتاة عانس ؟وبين شاب متقدم بالعمر أعذب؟
14-عندما يملك الانسان كل مايتمناه بحياته ,
هل يشعر بالملل؟
بتمنى شوف وجهة نظركون وأجوبتكون شباب وصبايا

**صمت الليل** · موضوع: رد: أسئله متنوعه 10/3/2010, 4:44 pm

-اذا كان الانسان متعفنا بالأصل في سلوكه فهل هناك تربيه قادره على شفائه من هذا السلوك؟

ممكن يكون هناك تربية تغيرو بس بدها ارادة ومن شب على شيء شاب علي
2-كفتيات ,هل تفضلن البوح بسركن لأمهاتكن ؟أم تفضلون البوح لأصدقائكن؟أم تكتمون أسراركن بداخلكن؟
3-حالة الملل التي نراها عند الصبايا؟ويقضون أوقاتهم في أعمال البيت
سواء كان الموضوع قسري ,من قبل الأهل ,أو من قرارة أنفسهم ؟

كيف يمكننا أن ننتشل هذه الفتاة من هذه الحفره؟
فينك تشيل الفتاة بانو تنمي شي عندها مهمل
4-كلما قلت الرتبه ,قلت المسؤليه
مارأيك في هذه المقوله؟
هل نسعى للأفضل ؟أم نرضى بأي شيء ؟
لا اكيد لا لانو لكل رتبة مسؤولية خاصة وربما تكون اكبر من صاحب الرتبة الاعلى
5-الانسان خلقه الله بتجدد دائم ,
وقادر على العطاء لاخر يوم من عمره,
كيف نستطيع أن نفجر طاقات هذا الانسان؟
من خلال تنمية القدرات وعدم اخفائها
6-اختلاف العمر الموجود بين الوالدين وبين أبنائهم ,يخلق فجوة بينهم,
واختلاف بالاراء,بالنسبه للمشاوير, للباس,
كيف نكسر هذا الحاجز الموجود بين الوالدين وبين أبنائهم؟
كيف يخرجون من هذه القوقعه؟
في متل بقلك اذا كبر ابنك خاويه
7-البعض من الرجال يعتقدون أن النساء ليس عندهم المقدره على عمل الرجل بأي مجال ؟
مارأيكم ؟
هل هذا الاعتقاد صحيح ؟
هل صحيح هناك بعض الاعمال لا يمكن للمراة ان تقوم به فهذا صحيح حلو كل شخص يختص بمجالوا
8-الرجل المتقاعد عن العمل في سن الستين,الذي يشعر بالموت البطيء ,
ماذا تنصحه؟لينقذ نفسه من هذا الاحساس ؟
وكيف يستثمر أوقاته؟
يملي وقتو بالعبادة والتقرب من الناس بالخير
9-التقاعس عند الموظفين ,وعند الشباب والصبايا,
ماهو سببه برأيكم؟
الروتين القاتل وعدم اعطاء الانسان مكانته الحقيقية
10-عندما تجلسون وحيدين بالليل,
كيف تتغلبون على الوحده؟
انا بالكتابة
وهل حياتكم مليئة بالحيوية والنشاط؟
انا اللي بمليها وانا اللي بجعلها فاضية الامر بايدي
11-المطبخ ,الطعام والشراب,
هل له تأثير على نفسية الانسان؟
وهل يوجد رابط بينهم ؟
اكيد الو رابط كبير وانا بحب الطبخ وايام بفش خلقي بالطبخ
هل تستطيع العمل أو الكلام اذا كنت جائعا؟
لا ابدا
وعندما تتناول طعاما تحبه حالتك النفسيه كيف تكون ؟
مبسوط
وعند تناولك طعاما لاتحبه؟
عادي ما بيتغير
12-ماهية الدنيا بنظركم ,ماهي؟
دار انتقال وتجربة
13-مالفرق بين فتاة عانس ؟وبين شاب متقدم بالعمر أعذب؟
لا فرق عندي لاني ما بعترف بهالفروق
14-عندما يملك الانسان كل مايتمناه بحياته ,
هل يشعر بالملل؟
والله لا الفقير بيحس بالسعادة اكثر من اللزوم لانه يفكر كيف سيؤمن المعيشة ولا الغني لانه يفكر كيف ينمي ماله احسن شي القناعة كنز لا يفنى

________________________________________________________________________________________________

:: التوقيع ::

[دعوني احن لكل شيء يلمسه
فالذكرى عندي قديس اهواه
وكيف اللجوء من قلب اقدسه
طالما الحب لجسدي ابلاه
الى حبيبتي زوجتي الغالية [/b]

**الغيت الحب** · موضوع: رد: أسئله متنوعه 10/3/2010, 8:05 pm

1_صعب جدا ولكن ليس مستحيل ان كانت لديه الرغبه بذاللك
2-.....
3-تحاول تغير بحياتها يعني تتخلص من الروتين قدر المستطاع
4- انا بعتقد كل واحد مسؤليتو على قدو
5-من خلال تشجيعه وتنميت قدراته
6-يجب على الاهل استيعاب ابنائهم ولازم يفهموهم والنصيحه تكون بطريقه مناسبه
7-لا بس ممكن يكون الرجل لديه القدره على التحمل بشك اكبر
8-يلتفت لعبادة الله
9-الروتين القاتل
10-بالنسبه لي بالدراسه اما بلنسبه للحيويه والنشاط مو دائما اوقات
11-نعم
12_هل تستطيع العمل أو الكلام اذا كنت جائعا؟
نعم
وعندما تتناول طعاما تحبه حالتك النفسيه كيف تكون
بستمتع بالطعم
وعند تناولك طعاما لاتحبه؟
بالنسبه الي انا ماباكول اكل مابحبو
ماهية الدنيا بنظركم ,ماهي؟
طريق لازم نمشي وبهل طريق اوقات بنوقع بحفر بس المهم نطلع منها باقل الاضرار وباسرع وقت
13-نفس الشي بالنسبه الي
14- اكيد لانو بيكون ماعندو هدف

________________________________________________________________________________________________

:: التوقيع ::
Life is a coin, you can spend it anyway you wish, but you can only spend it once.

***رهف*** · موضوع: رد: أسئله متنوعه 11/3/2010, 5:32 pm

صمت الليل
الغيث الحب
شكرا كتير لمشاركتكون
ونورته

________________________________________________________________________________________________

:: التوقيع ::

**ميرا** · موضوع: رد: أسئله متنوعه 12/3/2010, 6:31 pm

مساء الخير ...وصباح الخير ...صبايا ...شباب
ومساكي فل وورد رهف ..

اليوم عندي أسئله متنوعه وحابي شوف وجهة نظركون
قبل ماجاوب قريت اسئلتك وفعلن هية من الاسئلة يلي بتحترم حالا اول شي وتاني شي قابلة للنقاش بجميع النواحي ..

1-اذا كان الانسان متعفنا بالأصل في سلوكه فهل هناك تربيه قادره على شفائه من هذا السلوك؟
في عنا مثل بحلب رهف وبظن بتعرفيه ويلي هو ..
انو يلي مابتعرف أصلو .. فعلو بيدل على أصلو ..

بعمرا قلة الاصل مارح تعمل البني آدم .. انسان ..

2-كفتيات ,هل تفضلن البوح بسركن لأمهاتكن ؟أم تفضلون البوح لأصدقائكن؟أم تكتمون أسراركن بداخلكن؟
بحكي شي زاعجني اي
باخد راي يلي بمحيطي اكيد ..
بس يلي جواتي هو يلي بيوصلني للطريق الصح او الغلط لانو انا الوحيدة يلي ملامسة هالموضوع ..

3-حالة الملل التي نراها عند الصبايا؟ويقضون أوقاتهم في أعمال البيت
سواء كان الموضوع قسري ,من قبل الأهل ,أو من قرارة أنفسهم ؟
كيف يمكننا أن ننتشل هذه الفتاة من هذه الحفره؟
ليكي رهف انا يلي شفتو انو الكل بتعدي عليهم مرحلة كآبة نتيجة هالظروف يلي ذكرتيها ..
وانا وحدة منهم ..
وهون بيجي دور الصديق والاخت او الاخ او الام او اي حدا مقرب النا ..
ليطالعنا من هالحفرة ويمد ايدو النا بالدعم والثقة بالنفس ..
تجديد هالخلايا خلينا نقول .. مابتجي الا من اختيار الشخص الجيد حوالينا ..
وهالاختيار مابيرجع الا النا ..
ضروري ثم ضروري النوعية لا الكمية بالافراد ..

4-كلما قلت الرتبه ,قلت المسؤليه
مارأيك في هذه المقوله؟
هل نسعى للأفضل ؟أم نرضى بأي شيء ؟
بالعكس انا بشوفا متل السلم
صح اول درجة اسهل درجة بس هي اصعب درجة لتركزي حالك لتصلي للي فوق ..
واكيد انا بسعى للافضل بس اوقات بحس حالي ماعملت شي الا فاضي ..

5-الانسان خلقه الله بتجدد دائم ,
وقادر على العطاء لاخر يوم من عمره,
كيف نستطيع أن نفجر طاقات هذا الانسان؟
بالتحفيز وصدق الكلمة بالدعم
بالمقابل لازم يكون الطرف التاني اسفنجة وعم تمتص ..

6-اختلاف العمر الموجود بين الوالدين وبين أبنائهم ,يخلق فجوة بينهم,
واختلاف بالاراء,بالنسبه للمشاوير, للباس,
كيف نكسر هذا الحاجز الموجود بين الوالدين وبين أبنائهم؟
كيف يخرجون من هذه القوقعه؟
كتير صعبة عفكرة انا من الاشخاص يلي مابتفق مع ماما تحديداً ..
وماقدرت باي موقف تستوعب جنون بعض المراحل الي .. ولاقدرت استوعبها انا كمان..
بس بعرف انو هي الوحيدة يلي بتتمنالي الخير بنية صافية ..
يلي بيجمعني معها انو هي ام بالنهاية ولازم اخد رضاها ولو على حسابي
لانو عالاقل بكون بدعائها إلي عم اكسب الخير منها ..
ماهي الخيمة يلي عم تحميني بدعائها من كل شر ..

7-البعض من الرجال يعتقدون أن النساء ليس عندهم المقدره على عمل الرجل بأي مجال ؟
مارأيكم ؟
هل هذا الاعتقاد صحيح ؟
بالنسبة للعقل مابتختلف المراة عن الرجل عندها المقدرة على استلام كل اعمال الرجل ويمكن بدهاء اكتر ..
بس اكيد القدرة الجسدية للرجل ونوع المجتمع الشرقي يلي عايشين فيه بتمنع المرأة بالقيام ببعض الاعمال ..
لهيك الاعتقاد يحتمل الصح والخطأ ..

8-الرجل المتقاعد عن العمل في سن الستين,الذي يشعر بالموت البطيء ,
ماذا تنصحه؟لينقذ نفسه من هذا الاحساس ؟
وكيف يستثمر أوقاته؟
قبل كم سؤال كنا عم نحكي عن تحفيز الفتاة .. وهون نفس الشي بس بفرق بسيط ..
انو الرجل المتقاعد مابيحس بالعجز طول ماحواليه عائلة عم تسندو وتشجعو وتعطيه الاهتمام
عالاقل احساس الحاجة للنصيحة الصح
نتيجة خبرة الحياة بالتجارب يلي مرق فيها ..

9-التقاعس عند الموظفين ,وعند الشباب والصبايا,
ماهو سببه برأيكم؟
قلة الرواتب والاجور .. وبالنسبة للشباب والصبايا هو منح الفرص للواسطة ومو للكفاءة ..

10-عندما تجلسون وحيدين بالليل,
كيف تتغلبون على الوحده؟
وهل حياتكم مليئة بالحيوية والنشاط؟
انا بحتاج لليل لاقدر فكر بحالي فكر بيومي يلي مرق ..
حياتي مليئة بكل انواع النشاط يلي وصلت من هلا لمرحلة انو مليت منها ..
ومع ذلك انا وحيدة !!
لأنو الوحيد يا رهف هو يلي بيكون فاقد الدعم المعنوي والقوي تجاه اي موضوع حاسم ومصيري

11-المطبخ ,الطعام والشراب,
هل له تأثير على نفسية الانسان؟
وهل يوجد رابط بينهم ؟
هل تستطيع العمل أو الكلام اذا كنت جائعا؟
وعندما تتناول طعاما تحبه حالتك النفسيه كيف تكون ؟
وعند تناولك طعاما لاتحبه؟
مابعرف جواب هالسؤال ..
لانو بكون جوعانة باكل وشبعانة مارح آكل ..
والاكل يلي بحبو باكلو ويلي مابحبو مابقرب عليه ..
بش في شغلة انو اذا كنت بمجموعة كبيرة باكل اكتر ..

12-ماهية الدنيا بنظركم ,ماهي؟
الدنياااااااااااااااااااااااااااااااااااااااااااااااااااااااااااااااااااا
الدنيا لغز ماحدا بيعرفو الا الرب سبحانه وتعالى فقط ..
بتعرفي احيانا بقول لحالي ياترا لو كانت الحياة يلي عايشينا مكتوبة بكتاب بايدينا وعم نقراه بتفاصيلو ..
شو رح يصير بعقولنا ؟؟ وكيف رح نعيش ونقبل القادم حتى لو ماكان بيعجبنا ؟؟
تخيلي حدا يكون يعرف لحظة وفاتو او وفاة العزيزين عليه ؟؟
لهيك انا بشوفا لغز ونحنا عم نفكفك فيها ..

13-مالفرق بين فتاة عانس ؟وبين شاب متقدم بالعمر أعذب؟
العانس هي يلي مابتعرف معنى الحياة والجاهلة بوجودا كامرأة ..
والشاب المتقدم بالعمر هو الانسان الفاشل ..

14-عندما يملك الانسان كل مايتمناه بحياته ,
هل يشعر بالملل؟
اكيد وهو عامل الفساد الاول ..

بتمنى كون وصلت المطلوب وهاد انا وهاد يلي عايشة فيه لهلق وبكرا مابعرف اذا رح يتغير شي باجوبتي ..
بكرر رهف انو اسئلتك لوحدا بتحترم حالا صدقاً .. وقابلة للنقاش بالطريقة الصح والمدى الصح
بتمنى وجهة نظري تفيد ..
مــيرا

________________________________________________________________________________________________

:: التوقيع ::

◕‿◕ ..