تذكير بمساهمة فاتح الموضوع :
صرت قلبي وعيني مهجتي والكيان
صرت ذاتي ونفسي صرت مني وفيني
صرت دنياي كلها والزمن والمكان
وشبقى فوق حبك غير ربي وديني
ضمني في ضلوعك ضمني في حنان
وامسح ادموع طرف طول عمره حزيني
واسقني بالمودة والوفا والأمان
وخلني احيا بقلبك ما بقى من سنيني
-----------
انا اهديك الحب اللي ماعطاه انسان لأي انسان
وانا اهديك القصيد اللي عن احزاني يسليني
احبك حب لايمكن يعيش بعالم النسيان
واحطك في خفا قلبي واشيلك في
نظر عيني
---------------
عهد قطعته لو مضا العمرمنساك
إلا إذا صادفت لحظة وفاتي
جايز أحبك و أفقدك وأتناساك
جايز تغيب و تنسى حبي وغلاتي
بس أنت تدري كيف أنا أحس وياك
و تدري ان غبت عن حياتي كيف أحاتي
---------------
تعرف أني أغليك حيل وأهواك
اليوم وبكره وما بقي من زماني
تقول الأمل يسطع في سماك
وأقول الصبر يمكن يحقق أماني
حتى وإنحصلت ما بلقى سواك
كأن ربي عن هوى غيرك نهاني
---------------
خلني في بالك وغيب
أهم شي أبقى قريب
اذا حصل و احتجتني صدقني تلقاني قريب
تلقاني ظلك لو مشيت
تلقاني دمعك لو بكيت
تلقاني بسمة لو رضيت
فيني ظنك مايخيب
منى وعد اني اكون
الصاحب
الوافي
الحنون.
--------------
كل اللي يكفيني بعمري لحظتين
لحظة أشوفك و أختنق من عبرتي
ولحظة أبادلك الحنين
و أشتاق لأحلى لحظتين
و أشتاق أنا في هالحياة لكلمتين
كلمة أحبك نفسها بس مرتين.
----------------
كتبت لك من دمع عيني رسالة
ختمتها بالجرح و الحل في يديك
انت الامان اللي زماني مشى له
مسكين قلبي ما حمل غير طاريك
انساك هذا يا ملاك استحالة
ما انساك لين الموت ياخذ روح مغليك.
--------------
السعادة والفرح بلمسة يديك
وكل همي إني اسعد في لقاك
كل ذرة في كياني هي تبيك
الله اللي بلا والله اللي عطاك
بس تطمن مالك بقلبي شريك
الوفا طبعي وتستاهل غلاك
--------------
مهما نواجه من فراق وصعايب
نبقى على عهد المحبه والاصحاب
ومهما نشوف من الزمان العجايب
تبقى المحبه بيننا ضد الاصعاب
هذا كلامي بالرخا و الكرايب
منساك لين ينحط فوقي التراب.
---------------
لا تقول إني قاطع وبوصلي دوم أتغلى تراني شخص متواضع
وبالحب ما اتسلى يمكن ظروفي تمانع ويمكن مستواك أعلى ولو بلف الكون لك راجع والعين فوق الرمش ما تعلى .
---------------
طاوعك قلبك تخليني وسط صحرى ونار الشمس تكويني تخيل خطوتي حافي وشوك الارض يدميني تخيل لهفه انفاسي ادور قطرة ترويني ترى هجرك مثل صحرى وشوفتك بس تحييني ما ابيك تتخيل ابيك تحس فيني
------------------
أحتاجلك لا ضيق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أبيك تسأل عنحياتي وتدري
عن ضحكة أيامي ووافي عناها
أحتاجلك في كل لحظة بعمري
لا صرت روحي كيف أبحيا بلاها.
--------------
وش هالكون بعدك
علمني وش يكون
وش هي الدنيا بدونك
غير صمت وسكون
الصبح شاحب والليل تملاه الظنون
والزوايا موحشه فاقده قلب حنون
عادي كل هالناس يروحو او يجون
الا انت ياعمري روحتك والله ماتهون
----------------
ما أنساك دامي في قضاء ربي آمنت
حتى لو عنك الظروف أبعدتني
العفو كاني في حقوقك تهاونت
أرجوك لا تشك في حسن ظني
يفداك قلب من صميمة تمكنت
وعيوني اللي من غلاك أسهرني
--------------
اذا قصرت في وصلك وجاك في يوم جفى مني
ابيك تخف علي اللوم
واذا اخطيت سامحني
وتذكر ان مصيري يوم
كفن ابيض يغطيني
و قبر صغير يحويني
و دمعة من عيونك انت
تودعني وتبكيني
--------------
دنيـــــاى بدوونــــك
دنيــــا شمسهـــــا الألـــم
وقــــمـــر ليلهــــا النــــدم
خــلاص امســح اللــى كتبتـــه يـــا قلـــــم
واكتـــب بدالـــه
دنيــــاى مــا تســوى يــابعد قلبـــى بدوونـــــك.
--------------
قبل نتـفارق سطرتلك يميني آخر رسالة حب أودعك فيهــــــا هذا قدرنا بالهوى صدقني الايام ماتمشي على مانبيها ودعتك الله وإن قسيييت أعذرني وعيوبي اللي تعرفها استرها وان كان عذبتك معي سامحني وانسى ذنوبي واغفرهـــــــــــــا
__________________
احزن ولا تدري عني ابكي ولا
تمسح دمعي لكن اوعدني اذا مت
ابيك تدفني
________________________________________________________________________________________________
:: التوقيع ::
[ندعوك للتسجيل في المنتدى أو التعريف بنفسك لمعاينة هذا الرابط]
ما تمنيت البكاء يوما.....
ولكن هم الزمان أبكاني .......
تمنيت أن أعيش كما تريد نفسي ولكن .......
عاشت نفسي كما يريد زماني .........
((لســــت مجبـــرهـ لأفهــم النـــاس من أكون
لأنـــي أملك في قــراره نفسي ما لايملكه الآخرون))
((الهدوء طبعى والح ـــزن عالمي الخاص))
موضوع: احزن ولا تدري عني ابكي ولا تمسح دمعي 
28/12/2009, 3:59 am
